« Lo crèdit cosmic » pel Doctor José Luis Cabouli. Conferéncia en espanhòl sostitolada en occitan. Oc

« Lo crèdit cosmic » pel Doctor José Luis Cabouli. Conferéncia en espanhòl sostitolada en occitan.

« Lo crèdit cosmic » pel Doctor José Luis Cabouli. Conferéncia en espanhòl sostitolada en occitan.https://odysee.com/@animaweb:b/Doctor_Jose_Luis_Cabouli_El_credito_cosmico_castellano_subtitulat_occitan:5

Tròç de la conferéncia entitolada « La vida abans la naissença » del doctor José Luis Cabouli tenguda a la Sala Polivalenta del Soleràs (Les Garrigues, Catalonha) lo dissabte 29 d’agost de 2020.

Aquela conferéncia presenta lo libre del meteis títol escrich pel Doctor Cabouli e s’apièja sul dialòg amb de pacients en terapia regressiva ont revivon d’experiéncias, siá dins de vidas anterioras, dins l’entre-vida, dins lor concepcion, dins lor gestacion dins lo ventre de la maire o a la naissença. La tòca es de garir de fòbias o de traumatismes del passat o d’assumir de leiçons de vida pendentas d’èsser apresas.

Dins aquel passatge, lo Doctor Cabouli introdusís los participants dins un concèpte, « Crèdit Cosmic », relatiu a un estat partejat amb lo « karma » o lo « deute » mas de polaritat opausada. En vertut de l’equilibri qualitatiu de l’arma individuala, una certana capacitat de causida de sa part pòt èsser determinada. Per exemple, la possibilitat de causir d’unas condicions per la siá futura incarnacion.

Nos desencusam perque, a causa de las règlas establidas per la celebracion de l’eveniment, una separacion a degut èsser establida entre los diferents participants ambe l’exigéncia inconfortabla de portar de masca, encara mai inconfortabla per las femnas presentas que pòdon aver s’inquietat per la siá pròpria gestacion. Caliá que l’acte foguèsse autorizat ; fins al moment de sa celebracion èrem pas segurs que l’eveniment se poguèsse realizar e s’i auriá una oportunitat novèla de ne poder realizar un autre dins los jorns seguents dins las Tèrras del Ponent catalan.

Mercejam l’agricultor biologic Josep Pàmies e son esposa d’èsser venguts de Balaguer per assistir a aquel eveniment e nos desencusam sincèrament amb aquel defensor de la santat per doas rasons : per li aver demandat de portar una masca tan plan arribèt e tanben perque, dins la video de l’eveniment complèt, ont interven coma public, apareis pas la partida de son intervencion en protestant d’aver estat obligat de la portar.

Sabèm qu’existisson d’expèrts en sciéncia e en medecina que remeton en question la necessitat d’aquelas mesuras de contraròtle amb d’arguments non negligibles. D’autra part, es urgent de far conéisser la Terapia de las Vidas Passadas (TVP) e la Terapia de la Possession Espirituala (TPE) de faiçon publica e visibla, de cara la possibla enòrma quantitat de mòstras amolonadas de patiment uman qu’estimam son en espèra de resolucion entre totas las armas incarnadas e desincarnadas de l’Umanitat, produsidas tot lo long de son istòria, çò qu’exigís qu’aquel besonh siá conegut, sens mai trigar, de l’ensemble de la populacion.

Video originala : Manuel Marsan. Collaboracion als sostítols : Xavier Climent. Montatge dels sostítols : Brauli Tamarit. Organizat per : Associacion Culturala de las Femnas Elaia. Collaboracion : Comuna de Soleràs. Traduccion dels sostítols en occitan : Jordi Ràfols.

Perfil d’edicion « Odysee » : Animaweb. Conferéncias en occitan. Data de publicacion dins « Odysee » : dimenge 22 de genièr de 2023. Durada de la video : 3 minutas e 33 segondas. Lenga : Votz espanhòla amb sostítols en occitan.

Font video d’origina :

https://www.youtube.com/watch?v=WDqrLCJN9D4

Traduccion : Jordi Ràfols.