Objectius.
La cresença que vivèm unicament una encarnacion es fòrça estenduda de pertot lo Mond. De mai, dins las civilizacions d’Occident, sèm impregnats d’aicesta mentalitat modèrna de viure la vida en lo vesinatge sens nos preocupar excessivament de las consequéncias dels nòstres actes.
En aiceste contèxt, la Terapia de Vidas Passadas (TVP) es estada desvolopada per terapèutas, qualques unes formats en la rigor academica e amb experiéncia practica, qu’an descobèrt l’evidéncia de la reencarnacion, pas coma un dògma impausat o una cresença liurament acceptada, mas mejançant la practica quotidiana amb los sieus pacients.
S’un individú crei que se viu sonque un còp, pòt decidir de se desinteressar de l’astre del luòc ont demòra, doncas supausa qu’i tornarà pas. Mas, quand una persona crei probabla que pòsca tornar dins la Tèrra, pòt pensar: «Mèfi, benlèu i tornarem. Alara, nos cal procurar de daissar lo Mond parièr o melhor que coma l’avèm trobat, o lo conservar almens, en evitant qu’empejore excessivament, pr’amor que serà lo meteis endrech ont i acabarem».
Los pacients de la TVP an l’escasença de descobrir que venèm dins aiceste mond a aprene. O fasèm en determinant las fautas del nòstre passat, qu’incorporam amb de leiçons desparièras, coma las vertuts fondamentalas de l’amor e la compassion. Aquestas son qualques unas de las vertuts que cal que l’arma assumisca en lo sieu camin de perfeccionament. Son de vertuts necessàrias dins una planeta coma la nòstra, que pòt noirir de pro aliment, matèria e energia a totes los sieus abitants, mas ont i a de monde que patís de mancanças grèvas. Una planeta amb una rica varietat d’espècias e mejans, mas qu’es en risc a causa de l’excès de contaminacion e lo desprofièch de ressorças, ont l’Umanitat dispausa d’una granda diversitat de nacions, culturas e lengas, caduna capabla d’ofrir las siás solucions originalas a la rèsta, mas amb la capacitat militara sufisenta coma per destruire divèrses còps la vida que i conten.
Lo tèma pendent mai grand de l’Umanitat de la nòstra planeta, e mai s’es pas l’unic, es enauçar lo nivèl etic e de consciéncia de nòstra societat. En aicesta tasca, l’espiritualitat es decisiva. Dins lo modèst luòc web En còrs e arma, introdusissèm los internautas dins aicest camin entamenat per d’investigadors precursors que, en combinant psiquica e metapsíquica, pòdon nos ajudar a melhorar lo nivèl de las relacions entre los individús, los collectius, e en lo respècte cap a la nòstra pròpria natura e aquela de la rèsta dels èssers vivents.
Equipa del web En còrs e arma.
Primièra version: Dijòus, 18 de genièr del 2018.
Darrièra modificacion: Dimars, 30 de genièr del 2018.
Traduccion: Federico Merino.