Bakera itzultzea. Brian Weisseri elkarrizketa.
Athanor aldizkaria. 35. zenbakia. 2002ko iraila-urria. 15-18 orrialdeak.
Bakera itzultzea. Brian Weisseri elkarrizketa.
Elkarrizketatzailea: Josep Agustín. Interpretea: Loto Perrella. Argazkilaria: Natalia Campoy.
Brian Weiss doktorea. Argazkia: Natalia Campoy.
Nola egon bakean norbere buruarekin, eta ondorioz, guztiarekin, agian gizakiak betidanik, gehien bilatu izan duen formula magikoa da. Brian Weiss doktoreak hotelean hartu gintuanetik eta elkarrizketa osoan zehar, bere lasaitasunak, umore onak eta arretazko izaerak lagundu gintuen.
Elkarrizketa, bere erregresioen arloan egindako lanean eta gaur egungo beste gai batzuen esparruak jorratuz joan zen, horietako batzuk gai fenomenikoak
Bere hitzetan, adierazpen oso bat entzun genuen: «Maitasuna eta Errukia, ezinbesteko bi osagai dira beldurra desegiteko… » Benetan formula on bat bakean egoteko.
–Weiss doktorea, nazioartean, zure erregresioen arloko lana, oso aitortua da. Biologi psikiatria arloko mediku ospetsu bat zara. Medikuntza konbentzionalean trebatu zinen. Garai hartan, heriotzaren ondorengo bizitzak, arimak, espirituak, energiak, maisuak eta hitz guzti horiek ez zuten zure hiztegi profesionalik osatzen. Zerk egin zuen katalizatzaile lan hori, zu erregresioekin hastera eramateko?–
–Diozuna, oso zehatza da. Psikiatriako eskolan, ez nuen horretariko ezer ikasi, baina, Bizitza asko, maisu Asko liburuan aipatzen den Katherinekin izandako esperientzia horrexek ekarri zuen aldaketaren hasiera. Eta ordutik, 1988tik, 3.000 paziente baino gehiagorekin egin ditut erregresioak: 3.500 inguru nire kontsultako banakako terapietan; baina, taldeka tratatutakoak kontutan hartu ezkero, askoz gehiago dira. Zientzian, oinarrizko printzipiotariko bat, epaitu gabe begiratzean datza; emaitzarik espero gabe behatzen da. Behaketak egiten direnean, hipotesiak ezartzen dira, eta era honetara garatzen dira teoria zientifikoak. Katherinekin behaketa hauek egiten ari nintzen bitartean, aztertu beharreko fenomenoak beste paziente batzuengan behatzen nituen, alde batera utzi ezin zitezkeen fenomenoak. Bazeuden erregresioan zehar, inoiz ikasi ez zituzten atzerriko hizkuntzetan hitz egiten zuten pertsonak, eta heureri buruzko beste garai eta beste leku batzuetako datuak eta informazioa, edota inoiz ikasi gabeko xehetasun historikoak zekizkitenak, eta euren irietako antzinako erregistroetan euren hilobien inguruko informazioa aurkitu zutenak ere. Eta aldi berean, beraien osasun egoerak hoberantz egiten zuen: sintomak desagertu egiten ziren, beldurrak desagertu egiten ziren. Beraz, maila guztietako aldaketa ikusgarriak ikusten nituen nire pazienteengan. Zientzialari gisa, gauza horiek aztertu eta hipotesiak garatu beharra neukan. Eta era honetara, nire jarrera aldatzen joan nintzen. Orain, urtero ehunka terapeuta trebatzen ditut lan honekin aurrera jarraitzeko, eta nik aurkitu nituen emaitza berdinak lortzen dituzte.–
– Zer suposatu zuen Katherinekin topo egin izanak zure lan, familia eta gizarte bizitzetarako?
–Oso aldaketa sakonak eragin zizkidan nire bizitzako arlo bietan, bai lanekoan eta baita bizitza pertsonalean. Lanekoan, mundu osoko jendea niri buruz hitz egiten eta nirekin hitz egiten hasi zen, eta mundu guztiko pazienteak etortzen hasi zitzaizkidan nire kontsultara terapia mota hau jasotzera. Nire bizitza pertsonalean ere nire balioak aldatu ziren, lan honen ondorioz. Heriotzarik ez dagoela aurkitu nuen eta, beraz, ez zitzaiola hainbeste beldur izan behar. Eta hiltzen garenean, ez dugula gure gauzarik gurekin eramaten. Nire balioak aldatu ziren, giza harreman pertsonalak garrantzitsuagoak bihurtu ziren, bake eta lasaitasun sentimenduak garatu nituen, eta meditatzen ikasi nuen. Gauza hauek nire bizitza aldatu zuten.–
Ezkerretik eskuinera: Loto Perrella interpretea, Brian Weiss doktorea eta Josep Agustín elkarrizketatzailea. Argazkia: Natalia Campoy.
–Gai honi buruz hainbat liburu idatzi dituzu, besteak beste, Bizitza asko, maisu asko eta Maitasun loturak. Ehunka pertsonak atera dute etekina zure lanetik eta zurekin trebatu dira. Zertan datza erregresio batek?–
–Denboran atzera egitean datza, kontzentrazio eta erlaxazio sakoneko egoera batetan, iraganeko gertaerak eta esperientziak gogoratuz. Herenegunekoak izan daitezke –hori ere erregresio bat da eta–, haurtzarokoak, jaio aurreko garaikoak, edo iraganeko bizitzetakoak edota esperientzia espiritualekoak. Atzo konferentzia garrantzitsu bat izan zen hemen Mayestic Hotelean; laurehun bat pertsona inguru zeuden. Taldeko ariketa bat egin genuen, eta bertaratutakoen erdiak baino gehiagok iraganeko bizitzak gogoratu zituzten. Erregresioak ez dira zailak egiteko, eta segurua da. Bost orduko tailer bat izan zen, eta jendeak aparteko esperientziak izan zituen; ondoren elkarrekin komentatu zituzten.–
–Zure Bizitza asko, maisu asko liburuan, Katherin zure pazientea, hipnosi induzitu egoera baten bidez jartzen da bere maisuekin harremanetan. Posible al da esperientzia hau norbere borondatez bizi izatea?–
–Bai, jende askok egiten du. Atzoko tailerrean, hipnosi bidez erregresio sakonean zeuden hainbat pertsonek esperientziak izan zituzten. Denok ditugu mediumeko jarrerak. Mezuak denok jaso ditzakegu, batzuetan guk maite ditugun hildakoengandik, maila altuagoetatik, maisuengandik, denok gaude erlazionatuta eta. Energia bakarra eta kontzientzia bakarra da eta. Prestakuntzarekin, goi-energia horrekin eta goi-kontzientzia honekin konekta gaitezke. Katherinek garai hartan egin zuena apartekoa iruditu zitzaidan niri, baina jende askok egin dezake.–
–40.eko edo 50.eko hamarkadetatik, gizateriak mota guztietako aldaketa zientifiko eta kultural oso azkarrak bizi izan ditu. Gaur egun, Interneten aroarekin, informazio guztia, ona eta txarra, gure esku dago. Aldizkako medikuntza, ekologia, espiritualtasuna, ia denon hiztegiaren parte diren hitzak dira. Zer esan nahi izan dezake gizakiarentzat aipatzen ari zaren errealitate hauen jakitun izateak?–
–Honen alde positiboa informazioa eta ezagutza oso azkar partekatu ditzakegula da, baina, alderdi negatiboak ere baditu: ez digute sakontzeko astirik ematen, meditatzeko, etengabe kanpoko faktoreek bonbardatzen gaituzte eta. Ez dut uste ez onak ez txarrak direnik: beste teknologia bat da, etengabe gure bizitzatan eragiten duten telefono mugikorrak bezala, baina batzuetan erabilgarriak izan daitekeenak. Dena neurriz eta orekaz erabili behar dugu; gehiegi egiten den edozerk ezin du osasungarria izan eta. Hogeita hamar minutu Interneten erabilgarria eta ona izan daiteke, baina zortzi ordu jarraian, zalantzagarria iruditzen zait.–
Loto Perrella interpretea eta Brian Weiss doktorea. Natalia Campoyren argazkia.
–Zer da zuretzat espiritualtasuna?–
–Niretzat, goi-mailako kontzientzia esan nahi du; gure benetako izaera den goi-mailako kontzientzia eta ezagutza. Teilhard de Chardinek esan zuen, ez garela hemen esperientzia espiritual bat bizitzen ari garen gizakiak, esperientzia gizatiar bat bizitzen ari garen izaki espiritualak baino. Espirituak arima esan nahi du eta goi-kontzientzia bati egiten dio erreferentzia. Garrantzitsua da goi-balio hauetan gehiago zentratzea, horretarako gaude hemen Lurrean eta. Batzuek diote gero eta bortitzagoak bihurtzen ari garela eta ikuspuntu espiritual batetik ez dugula aurrera egiten, eta komunikabideek sarritan gauzak diren baino okerragoak direla ikus arazten dizkigute, planeta osoan gertatzen ari denaren berri berehala izaten dugulako. Iraganean, agian ez genuen inoiz entzungo urruneko lekuetan gertatzen ziren gauzei buruzko ezer, edo hilabeteak edota urteak beharko zituzten guregana iristeko. Horregatik uste dut aurrera egiten ari garela, nahiz eta teknologiak batzuetan kontrakoa pentsarazten digun. Munduan jende espiritual asko dagoela uste dut, jende ona. Baina eskuragarritasun teknologikoa duen jende gaizto kopuru txiki batek, kalte handiak egin ditzake.–
–Antzinatik, gizakiak espiritualtasun zantzu honen arrastoak utzi ditu kultura guztietan. Zergatik uste duzu, adibidez, kristau erlijioan, Kristoren osteko 500. urtean, Kontzilio batetan «berraragitzea» bezalako hitzak ezabatu zituztela?–
–Uste dut arrazoi zehatz bat egon zela horretarako. Arrazoi politiko bat da. Gobernuek, eta batez ere Elizaren gobernuak, jendearekiko kontrol handiago bat nahi zuten. Kristautasunean, «berraragitzea» hitza indargabetua izan zen, Azken Epaiketaren egunaren mehatxurik gabe, ez zutela izango inolako modurik jendea kontrolatzeko uste zuten eta. Jesusek berraragitzean sinesten zuen, hori da ironia, ironia handia, Biblian hainbat erreferentzia baitaude horri buruz, eta bitxia da arrazoi politikoengatik, Jesusen arlo honetako ideiak baztertuak, aldatuak eta eraldatuak izan zirela. Beti izan dira zailtasunak politikariekin; ez da ezer berririk, ezta gaur egun ere.–
–Elisabeth Kübler-Ross ezagutu eta harekin lan egiteko ohorea izan zenuen, heriotzaren inguruko laguntzan konprometituta zegoen pertsona bat. Honi buruz, zerbait esan al dezakezu? –
–Laguna zen; lagun egin ginen, eta gauza hauetako askori buruz hitz egin zuen. Berak ez zuen bakarrik gaixotasunaren eta heriotzaren etapa hauetan lan egin; askoz lan gehiago egin zuen. Heriotzaren inguruko esperientzietan aitzindaria izan zen; hiltzen ari ziren haur eta helduek egindako marrazkiak aztertzen aditu bihurtu zen. Berraragitzean eta iraganeko bizitzetan ere sinesten zuen; gauza guzti horietan ados geunden.–
–Badakigu gaur egun Estatu Batuetan lanean ari zarela James van Praagh parapsikologo ospetsuarekin. Zer nolako lana egiten du?–
–Mezuak kanalizatzen dituen medium bat da, eta nik psikiatra gisa, giza kontzientzia aztertzen dut, eta nola mezuak kanalizatu eta informazioa jaso daitezkeen inoiz ikusi ez ditugun edo ikusi ezin ditugun pertsonengandik, asmatzen saiatu. (Atzo, egin genuen tailerrean, hainbat pertsonek kanalizatu zuten, maite dituzten izakiengandik mezuak jaso zituzten; eta pertsona batek berarekin lan egin zuen baina inoiz ezagutu ez zuen pertsona batengandik mezuak jaso zituen. Mezu oso zehatzak, izen eta lekuekin, hilda zeuden pertsonen bitartez). Beraz, hark kanalizazio hau egin badezake, denok egin dezakegu. Berak, bere prestakuntzari esker, nahi duenean egin dezake, gu gehienontzat ausazko gauza bat den bitartean; izan daitekeena edo ez.–
–Pertsona batek, iraganeko bizitza bat kanalizatu dezakeenean edo horren kontziente denean, zer gertatzen da? zer egiten dut informazio horrekin? Eta Planeta, talde mailan, laneko zein mailatan aurkitzen da?–
–Honek jendeari lagundu egiten dio. Adibidez, maite dituzten izakiekin hitz egiten dutenek, heriotzak ez duela existitzen konturatzen dira, arimak existitzen jarraitzen duelako eta oraindik gorputz fisikoa duten pertsonekin komunikatu daitekeelako. Honek maite dituzten izakien falta sufritzen duten pertsonei laguntzen die. Mundu mailan, honek hau gure etxea dela konturatzen lagun diezaguke, planeta gure etxea dela, eta zaindu egin behar dugula, berraragitzen garenean hona itzuliko garelako, eta gure etxea bizigarria mantendu behar dugulako. Ezin ditugu airea, ura eta bizi-baldintzak suntsitu, ez baitira bakarrik gure seme-alabak eta bilobak hemen biziko direnak: guk geuk itzuli behar dugu eta.–
–Batzuetan, laborantza-zirkuluak edo Crop circles bezalako fenomeno fisikoak gertatzen dira. Zer lotura ikusten duzu edo zer uste duzu haiei buruz?–
–Ingalaterran ikusi ditut eta nekazarietako batekin, lurjabeetako batekin, hitz egin dut. Nekazari hori oso gizon xumea eta zintzoa da. Inongo gizakiren batek ezin izango zituela zirkulu hauek sortu, konbentzituta dago –eta bera profesional bat da, nekazari bat– garagarra nola tolestuta dagoen ikusita, baina bururik apurtu gabe, eta beharko litzatekeen denboragatik. Ingalaterran, gauak oso laburrak dira udan, eta oso konplexuak diren laborantza-zirkulu hauek, ordu gutxitan agertzen ziren. Eta imitatu, erreproduzitu nahi izan dituen jenderik ibili denean, zirkulu hauen kopia oso eskasak eta oso zakarrak egin dituzte. Eta ez dago traktore-gurpilen, makinen edo ezeren arrastorik. Ez dakigu zer gertatzen den zirkulu hauekin, baina badakigu ez direla gizakiak eginak, ez fisikoki behintzat.–
Brian Weiss doktorea Athanor aldizkariaren ale bat arakatzen. Argazkia: Natalia Campoy.
–Geometria sakratu perfektu bat da.–
–Bai, zehazki. Eta ordu gutxitan egiten da. Ez dago traktoreen arrastorik edo zantzurik. Oraindik ez dago azalpen zientifikorik. Dakidan gauza bakarra, gizakiek oraingoz, hori ezin dutela egin da. Beste indar edo energia baten lana da. Ez du zertan estralurtarra izanik; buruko energia bat edo ulertzen ez dugun energia elektromagnetiko bat izan daiteke, edo beste iturri batzuetatik datozen komunikazioak. Dakidan guztia, fenomenoa ez dela gizakiek eragindakoa, da.–
–Une honetan, gizakiak baldintza optimoetan daude zein den planetan duten misioa hobeto ulertzeko. Aldi berean, hondamendirik handienak, gerrarik odoltsuenak, erasorik larrienak gertatzen ari dira. Zein da zure pertzepzioa honen inguruan?–
–Teknologia oso azkar ari da aurrera egiten. Gizakia beti izan da bortitza; beti egon dira gerrak, baina orain armak askoz eraginkorragoak dira. Arma biologikoak, lantzak baino askoz arriskutsuagoak dira. Garapen teknologikoaren eta garapen espiritualaren arteko lasterketa moduko bat dago. Espero dut pertsona espiritualek lasterketa hori irabaztea.–
–Zure Bizitza asko, maisu asko liburuan, pasarte batean, Katherinek maisu bat kanalizatzen du eta beldurrari buruz energia xahutze handi bat dela dio. Benetan, zeren beldur da gizakia?–
–Beldur handiak ditugu: heriotzaren beldur gara, bizitzaren beldur, porrotaren beldur, gaixotasunaren beldur, galeraren beldur, maitatua ez izatearen beldur, elkartean onartuak ez izatearen beldur. Beldurren autozerbitzu bat dugu; ez da beldur bat bakarrik, beldurra da orokorrean. Geure burua, askoz gehiago maitasunean eta errukian aurkitu behar dugu, maitasunak eta errukiak desegin baitezakete beldurra eta.
–Iraganaz eta orainaz hitz egin dugu. Ze asmo duzu etorkizunerako?–
–Orain bost liburu daude gaztelaniaz. Laugarren liburua, Jakintsuen Mezuak, niretzat oso garrantzitsua da. Bosgarrena gai berari buruzkoa da, baina artistikoagoa: planetarentzat egin behar denari buruz hitz egiten du –hizketan aritu garen gauzei buruz, eta planetarentzat egin behar diren gauzei buruz–.Presio handia dago argitaletxeen eskutik, gehiago idatzi dezadan, baina, ez dut ezer idatziko zerbait esateko izan arte. Orain herrialde asko bisitatzen ari naiz maitasunaren, hilezkortasunaren eta errukiaren gai hauei buruz hitz egiteko. Hau garrantzitsua dela diñozte nire intuizioak, baina, emaitzak nire eskutik kanpo daude. Egin dezakedana eskaintzea eta ematea da. Emaitzak goragoko maila baten esku daude. Goragoko maila honek, zeintzuk diren etorkizunerako proiektuak jakinaraziko dizkit unea iristen denean. Oraingoz, ikerketa hauek ahalik eta jende gehienarekin partekatzea da kontua. Ziur nago etorkizunerako askoz proiektu gehiago egongo direla, baina nahiago dut oraingo unea bizi. Orain era egokian bizi badut nire bizitza, orainaldiaz arduratuz, etorkizuna bere kabuz antolatuko da. Hauxe da beste beldur bat: etorkizunaren beldur gara.
Mezuak, azken baten beti berdinak dira: badakizkigu erantzunak, badakigu zer egin behar den, baina espezie oso burugogor bat gara. Egitea askoz zailagoa da jakitea baino.–
–Weiss doktorea, mila esker.–
–Mila esker zuei aukera emateagatik.–
Euskarara itzulpena: Fran Olea.