Helburuak.
Enkarnazio edo haragitze bakar bat bizi dugunaren ustea, oso zabalduta dago mundu osoan. Gainera, mendebaldeko zibilizazioetan, bizitza bere berehalakotasunean bizi eta gure ekintzen ondorioak gehiegirik kezkatzen ez gaituen pentsamolde moderno honetan murgilduta gaude.
Testuinguru honetan, Iraganeko Bizitzen Terapia (IBT) terapeutek eurak garatua izan da, horietako batzuk gainera zorroztasun akademikoan trebatuak eta esperientzia praktikodunak direlarik. Pazienteekin, eguneroko praktikaren bitartez, berraragitzearen frogak aurkitu dituzte eta ez da izan inposatutako dogma baten bitartez edo askatasunez onartutako sineskeren bidez.
Gizabanakoak behin bakarrik bizi izaten dela uste duenean, bizi den tokiaren etorkizuna alde batera uztea erabaki dezake, ez dela berriz itzuliko suposatzen badu behintzat. Baina Lurrera berriz itzuliko dela uste duen pertsona baten zalantzaren aurrean, honako hau ere pentsa dezake: «Kontuz, agian berriz itzuliko gara eta. Hori dela eta, Mundua aurkitu dugun bezala edo hobeto uzten ahalegindu behar dugu, edo gutxienez dagoen bezala mantentzen, larregi kaltetzea saihestuz, berriro ere itzuliko garen toki bera izango delako».
Iraganeko Bizitzen Terapiako pazienteek, mundu honetara ikastera etortzen garela konturatzeko aukera dute eta hori gure iraganeko akatsak ezagutuz egiten dugu. Akats horiekin, ikasgai mota desberdinak norberaganatzen ditugu, besteak beste maitasunaren eta errukiaren oinarrizko bertuteak, arimak bere hobetzeko bidean bere gain hartu beharrezkoak. Hauek, gurea bezalako planeta baten beharrezkoak diren bertuteak dira, bertako biztanle guztiak behar haina janariz, materiaz eta energiaz hornitzeko gai den arren, gabezia larriak dituzten pertsonak dauden tokia ere badalako. Espezie eta baliabide ugari dituen planeta da, baina gehiegizko kutsadura eta baliabideen xahutzearen ondorioz sarritan arriskuan aurkitzen dira. Gure planeta hau, gizateriak nazio, kultura eta hizkuntza aniztasun handia duen tokia ere bada eta bakoitzak gainerakoei irtenbide originalak eskaintzeko gai dena, baina baita berekin daukan bizitza guztia hainbat aldiz suntsitzeko gaitasun militarra duena ere.
Gure planetako Gizateriaren betebeharrik handiena, bakarra ez den arren, gure gizartearen maila etikoa eta kontzientzia maila igotzea da, Lan honetan espiritualtasuna erabakigarria delarik. Gorputzez eta arimaz webgune xume honetatik Interneteko erabiltzaileei ikertzaile aitzindariek irekitako bide hau aurkezten diegu, psikika eta metapsikika konbinatuz, gizabanakoen arteko harremanen maila hobetzen lagunduz eta gure izaera propioarengan eta gainerako izaki bizidunenganako errespetuan.
Web taldea Gorputzez eta arimaz.
Lehen bertsioa: 2018ko urtarrilaren 18a, osteguna.
Azken aldaketa: 2018ko urtarrilaren 30a, asteartea.
Itzulpena: Fran Olea.